Gavius loqui Messanae

  

Missachtung des römischen Bürgerrechtes durch den Statthalter Verres

 

  

Gavius loqui Messanae et queri coepit


se civem Romanum in vincula coniectum, sibi iter esse Romanum.

 


Non intellegebat miser nihil interesse,


    utrum haec Messanae an apud Verrem ipsum in praetorio loquerentur.

 


Nam hanc sibi iste urbem delegerat


adiutricem scelerum, furtorum receptricem, flagitiorum omnium consciam.

 


Itaque ad magistratum Gavius statim deducitur,


    eoque ipso die casu Messanam Verres venit.

  

Res ad eum defertur:

 


esse civem Romanum,

 
    qui se Syracusis in lautumiis fuisse quereretur;

 


quem iam ingredientem navem et Verri nimis atrociter minantem retractum esse,


    ut ipse in eum statueret,


                quod videretur.



Verres agit hominibus gratias et eorum benevolentiam erga se diligentiamque collaudat.



Ipse inflammatus furore in forum venit.

 

 

Exspectabant omnes,

 

    quid acturus esset,

 

        cum repente hominem proripi

 

        atque in foro medio nudari

        ac deligari

        et virgas expediri

        iubet.

 

 

Clamabat ille miser se civem esse Romanum.



Verres autem iubet

    hominem vehementisse verberari.

 

Caedebatur civis Romanus,

 

    cum interea nulla vox alia illius miseri

 

    inter dolorem crepitumque plagarum audiebatur nisi haec:


Civis Romanus sum.